Policia greke ka arrestuar sot një 27-vjeçar me origjinë shqiptare pasi ai ka vrarë dhe ka djegur për së gjalli një të pastrehë në Chania të Kretës, Greqi.
27-vjeçari shqiptar u arrestua nga policia, për vrasjen e një 53-vjeçari të pastrehë, të cili më pas ne dogj brenda një pallati të braktisur, shkruan Protothema.gr.
Mësohet se këtë të shtunë pas orës 11 të mëngjesit, autori i krimit akabër u dërgua në Prokurorinë e Gjykatës Penale të Chania. Rasti i të riut nga Shqipëria po hetohet nga efektivët e Nën drejtorisë së Sigurisë Chania, ndërsa ndaj tij është ngritur padi për vrasje me mashtrim dhe zjarrvënie.
Gjithashtu, i riu shqiptar është arrestuar për armëmbajtje pa leje, pasi në kontrollin e shtëpisë së tij nga policia janë gjetur thika.
Nga hetimet policore dhe hetimet paraprake rezulton se emigranti shqiptar ka plagosur për vdekje me shufra hekuri 53-vjeçarin gjatë një konflikti mes tyre për një arsye të parëndësishme dhe më pas, kur in riu ka kuptuar se 53-vjeçari kishte vdekur, i vuri zjarrin pallatit të braktisur, duke menduar se në këtë mënyrë do fshinte gjurmët e krimit makabër.