Kryeministri i Kroacisë, Andrej Plenkoviç, ka vizituar Kievin këtë të diel, ku ka takuar Presidentin ukrainas, Volodymyr Zelensky.
Kryeministri shoqërohej nga ministri i Punëve të Jashtme dhe Evropiane, Gordan Grliç Radman dhe Zvonimir Frka-Peteshic, shef i kabinetit të kryeministrit.
“Kroacia e di si është të jesh nën agresion ushtarak. Ndaj vazhdon të ofrojë mbështetje politike, diplomatike, financiare, humanitare, teknike dhe çdo mbështetje tjetër të mundshme për Ukrainën, si dhe ndihmë për t’u kujdesur për refugjatët ukrainas”, tha Plenkoviç.
Vizita e kryeministrit kroat në Ukrainë po zhvillohet në prag të Ditës së Evropës dhe është një shprehje solidariteti për autoritetet ukrainase dhe popullin mik ukrainas, që janë viktima të agresionit brutal rus.