Një 53-vjeçar ka humbur jetën, teksa punonte në një kompleks në ndërtim e sipër në lagjen 15, në Durrës.
Viktima është identifikuar si Genci Spaho, 53 vjeç. Ai ishte punonjës ndërtimi në objektet që po ndërtohen në lagjen 15 për familjet e prekura nga tërmeti i 26 nëntorit.
Nuk dihen ende rrethanat e ngjarjes së rëndë.
Ndërkohë, policia e Durrësit ka arrestuar shtetasit L.P., 44 vjeç, E.X., 56 vjeç dhe R.K., 58 vjeç, banues në Durrës për veprën penale të shkeljes së rregullave në punë.