Ceremonia e hapjes së Eurovision Song Contest u mbajt të dielën më 8 maj. Të gjithë përfaqësuesit e vendeve pjesëmarrëse parakaluan në Reggia di Venaria Reale, përgjatë tapetit Turquoise. Mediat italiane kanë shkruar për yjet që pikasën me paraqitjet e tyre.
Sigurisht, në listën e yjeve të veshur më mirë nuk mungoi as Ronela Hajati, e cila na përfaqëson me këngën “Sekret”. Veshja e jashtëzakonshme shumëngjyrëshe kombinuar me një kapelë katrore po aq të veçantë ka qenë në fokus të vëmendjes.
Fituesit e Sanremo, Mahmood dhe Blanco kishin një pamje mahnitëse për këtë rast. Mahmood eci në tapet me një xhaketë të zezë me gjoks të zbuluar dhe pantallona të gjera rozë. Ndërsa Blanco kishte një look total black të përbërë nga një xhaketë lëkure e zezë, poshtë së cilës kishte një bluzë transparente dhe një palë pantallona të së njëjtës ngjyrë.
Këngëtari Achille Lauro, i cili do të përfaqësojë San Marinon kishte zgjedhur një veshje shumë elegante. Këngëtari zgjodhi një kostum të zi të kombinuar me një këmishë të bardhë të hapur dhe pa kravatë. Si gjithmonë, gjithçka plotësohej nga grimi i paimitueshëm i syve.
Këngëtarja që do të përfaqësojë Greqinë ka zgjedhur një fustan total rozë, ngjyrën e sezonit.
Subwoolfer zgjodhën një kostum tërësisht blu. Nuk mund të mungonin maskat e tyre të verdha dhe syzet e diellit.
Këngëtarja armene, Rosa Linn, kishte veshur një kostum kadife për tapetin, duke e kompletuar veshjen me çizme luftarake.
Banda daneze, REDDI, zgjodhi një stil të viteve ’70 , të veshur me kostume shumëngjyrëshe dhe pantallona të ndezura.
Këngëtarja shqiptare, Ronela Hajati , i ka mahnitur të gjithë duke veshur një fustan spektakolar që të kujton një kostum tradicional shumëngjyrësh. Kapela katrore kompleton look-un e jashtëzakonshëm.
Këngëtarja malteze, Emma Muscat ka veshur një veshje totalisht të bardhë të përbërë nga crop top dhe fund për këtë event.
Këngëtarja spanjolle, Chanel , ka ecur në tapetin bruz me një fustan të shkurtër të shoqëruar me një pelerinë të madhe të kuqe.