Shqiptarët vijojë të preferojnë makinat gjermane. Referuar të dhënave të Drejtorisë së Përgjithshme të Shërbimeve të Transportit Rrugor, gjatë vitit 2021, në vend u regjistruan 68 mijë e 514 mjete të reja, nga të cilat 58 mijë e 208 janë automjete.
Në krahasim me vitin pararadhës kur tregu u frenua si rrjedhojë e karantinës, këtë vit numri i mjeteve të regjistruara u rrit me 16 mijë mjete më shumë.
Sa i përket markave, rezulton se makinat gjermane janë të preferuara. Në vend të parë, janë automjetet e markës Volkswagen ku gjatë vitit 2021 janë blerë rreth 13 mijë të tilla, të ndjekura nga Benz ku janë regjistruar më shumë se 11 mijë të tilla. Në vend të tretë është Ford, ndjekur nga Toyota, Audi e Opel.
Pjesa më e madhe e mjeteve që janë regjistruar të reja janë në Tiranë, ndjekur nga Durrësi dhe Fieri. Pjesa më e madhe e mjeteve të regjistruara erdhën nga Italia e Gjermania.
Rreth 60 % e makinave kanë si vit prodhimi periudhën 2005-2009, ndërsa 34,5 % janë si vit prodhimi mbi vitin 2010