Duke qënë se furnizimet e karburanteve kudo në botë janë kufizuar që prej fillimit të pushtimit rus të Ukrainës por edhe sanksioneve Perëndimore kundër Moskës, çmimet me pakicë të benzinës në Shtete e Bashkuara të Amerikës kanë arritur në një nivel rekord.
Bazuar në të dhënat e Shoqatës Amerikane të Automobilave, këtë të martë, kostoja mesatare për një gallon benzinë me pakicë ka kapur shifrën e 4.374 dollarë duke kaluar kështu rekordin e hershëm ku një gallon benzinë kushtonte 4.331 dollarë.
Stoqet globale të karburantit po pakësohen pasi kërkesa është rikthyer në nivelet para pandemisë së Covid-19, ndërsa furnizimet janë kufizuar që prej pushtimit të Ukrainës dhe sanksioneve pasuese ndaj Rusisë nga Shtetet e Bashkuara dhe aleatët Perëndimorë, shkruan Skynews.
Megjithatë, çmimet e karburantit në Shtetet e Bashkuara mbeten dukshëm më të ulëta se te konsumatorë të tjerë të mëdhenj si Mbretëria e Bashkuar, Japonia dhe Franca, ku taksat e larta rrisin edhe koston e karburantit.