Një rast tjetër i konfliktit në familje është regjistruar në Librazhd, ku nusja 28-vjeçare është përleshur me prindërit e bashkëshortit të saj në një fshat të Librazhdit.
Policia bën me dije se 28-vjeçarja me inicialet E. K., dhe vjehrra e saj 51-vjeçare me inicialet F. K., banuese në fshatin Dardhë, kanë ushtruar dhunë fizike dhe psikologjike ndaj njëra-tjetrës.
Po ashtu 28-vjeçarja mësohet se ka ushtrua dhunë psikologjike edhe ndaj vjehrrit të saj, me iniclaet R. K., ndaj të cilit u plotësua kërkesë padia për lëshimin e urdhrit të mbrojtjes. Po kështu kërkesë për lëshimin e urdhrit të mbrojtjes është bërë edhe për nusen.
Ndërkaq materialet i kanë kaluar Prokurorisë pranë Gjykatës së Shkallës së Parë Elbasan, për veprime të mëtejshme.
Njoftimi i plotë:
Specialistët e Hetimit të Krimit referuan materialet në Prokurorinë pranë Gjykatës së Shkallës së Parë Elbasan, për shtetasit:
-E. K., 28 vjeçe dhe F. K., 51 vjeçe, banuese në fshatin Dardhë, Librazhd (nuse dhe vjehrrë), për veprën penale “Dhuna në familje”, pasi kanë ushtruar dhunë fizike dhe psikologjike ndaj njëra-tjetrës. 28-vjeçarja ka ushtrua dhunë psikologjike edhe ndaj vjehrrit të saj, shtetasit R. K., të cilit iu plotësua kërkesë padia për lëshimin e urdhrit të mbrojtjes. Gjithashtu është plotësuar kërkesë padia për lëshimin e urdhrit të mbrojtjes edhe për shtetasen E. K.