Gjykata e Tiranes la nën masën arrest me burg Oligert Dhimitrin i akuzuar për vrasje.
I riu qëlloi për vdekje me një thikë buke Ilir Kapon, dhe sipas prokurorisë të dyja palët njiheshin dhe nuk kishin patur më parë konflikte.
I riu kembenguli në gjykatë se nuk mbante mend asgjë nga sherri në lokalin e lagjes dhe se ishte penduar për krimin.
Më vjen keq tha 37-vjeçari që sipas policisë ditën e krimit ishte në gjendje të dehur kur u përlesh me fqinjin Kapo, një 60 vjecar që nuk kishte me askënd konflikte. Viktima dhe vrasësi mbas sherrit në alkol e sipër e degraduan bisedën me sharje banale.
Kamerat e sigurisë sipas akuzës tregojnë vrasësin që e ndjek nga pas dhe në dalje të lokalit e godet për vdekje me një thikë. I pyetur në fillim mbasi i doli efekti i rakisë, 37 vjecari këmbënguli se nuk e kishte qelluar me thikë, por me grushta viktimën.