Aktivistja e të drejtave të njeriut në Krime dhe infermierja Iryna Danylovich, është zhdukur teksa kthehej nga puna në shtëpi në gadishullin e aneksuar nga Rusia më shumë se një javë më parë. Sipas asaj që bën me dije “CNN” Ajo nuk është parë që atëherë.
Danylovich besohet të jetë arrestuar nga autoritetet ruse, por ata kanë refuzuar të thonë nëse, ku apo nga kush mbahet ajo. Nëpërmjet punës së saj si gazetare, Danylovich ka ekspozuar probleme në sistemin e kujdesit shëndetësor të Krimesë, përfshirë reagimin e saj ndaj pandemisë së koronavirusit.
Ajo ka punuar për një sërë mediash ukrainase dhe ka publikuar gjetjet e saj në Facebook. Babai i Danylovich, Bronislav tha se vajza e tij planifikoi të merrte transportin publik në shtëpi në mëngjesin e 29 prillit, pasi mbaroi turnin e saj në një institucion mjekësor në Koktebel, në Krimenë juglindore.
Azamatov tha se infermierja nuk i përgjigjej telefonit të saj në atë moment. Azamatov, familja e Danylovich dhe disa organizata të të drejtave të njeriut e kanë kërkuar atë në qendrat e paraburgimit në qytete të shumta në Krime që nga zhdukja e saj.