Një video e publikuar nga CNN tregon vrasjen e 2 civilëve ukrainas nga ushtarët rusë. Videoja është xhiruar nga kamerat e një biznesi pranë vendit të ngjarjes në Ukrainë.
Prokurorët ukrainas po i hetojnë materialet e videos si krime lufte teksa nga pamjet duket qartë që disa ushtarë rusë që vrasin 2 civilë para se të vjedhin biznesin në periferi të Kievit.
Të dy civilët vdiqën pas të shtënave, gjë që bie ndesh me rregullat e luftës që ndalojnë shënjestrimin e civilëve.
CNN ka identifikuar viktimat.
Njëri ishte pronari i dyqanit të automjeteve që u grabit, familja e të cilit nuk dëshiron që emri të bëhet publik. Tjetri ishte Leonid Oleksiyovych Plyats, një 68-vjeçar që punonte si roje atje.