2 shtetas shqiptarë gjenden të shtrirë dhe të plagosur me thikë nga një kalimtar i rastit në zonën e Villa Raspa di Spoltore në Pescara të Italisë. Sipas asaj që shkruajnë mediat italiane, dy shqiptarët e plagosur janë Elvis Balani 41 vjeç dhe Leon Cako 39 vjeç.
Një kalimtar i rastit i cili po udhëtonte me makinë në rrugën ku ishin plagosur dy shqiptarët ka parë lëvizjen e tyre dhe është ndalur, ku më pas ka vërejtur se të dy burrat ishin të plagosur me thikë.
Menjëherë u dha ndihmën e parë dhe i dërgoi në spital. Shtypi italian raporton se 41-vjeçari Balani është në gjendje më të rëndë. Kurse 39-vjeçari Cako ka plagë në këmbë.
Pasi gjendja e tyre shëndetësore të stabilizohet do të merren në pyetje nga policia për të zbardhur rrethanat.
Shkaqet e ngjarjes nuk dihen dhe është e paqartë nëse të dy kanë plagosur njëri-tjetrin me thikë apo janë sulmuar nga persona të tjerë. Kjo pritet të përcaktohet nga hetimet e autoriteteve italiane në vijim.