Policia greke ka arrestuar organizatorin e grupit i cilu kap më datë 28 prill duke transportuar 138 kg kokainë në Arta të Greqisë. Mësohet se lënda narkotike ishte importuar nga Shqipëria, ndërsa një prej 2 transportuesve ishte me origjinë shqiptare.
Të 2 burrat që po kryenin transportin e drogës u arrestuan nga policia greke në fund të muajit, ndërsa kreu i organizatës u vu në pranga sot, bën me dije protothema.gr.
Pas arrestimit nga policia e Sigurimit të Igumenicës, organizatori u dërgua në Prokurorinë Publike të Artës me akuzën e importimit, posedimit dhe transportit të lëndëve narkotike dhe do të qëndrojë atje deri në momentin e dëshmisë.
Dy transportuesit akuzohen edhe për vjedhje dhe u është caktuar masa e paraburgimit.