Tuna ka publikuar së fundmi albumin e saj të ri që mban emrin ‘Furtuna’. Vetëm pak ditë më parë, pas koncertit privat të këngëtares, më në fund videot u hodhën në ‘YouTube’ ku mund të dëgjohen nga të gjithë. Reagimet për këngët e albumit kanë qenë shumë pozitive dhe suksesi ka qenë i madh.
Mes videove që i kanë ardhur nga fansat e saj, të cilët kanë dëgjuar dhe pëlqyer këngët, Tuna ka publikuar edhe disa sekuenca ku në qendër janë reagimet e djalit të saj Tian. I vogli duket se e pëlqen shumë muzikën e së ëmës dhe për ta treguar këtë gjë imiton lëvizjet që bën ajo. Këngëtarja nuk ka nguruar për t’i ndarë këto momente me ndjekësit dhe me siguri shumica janë argëtuar.