Pak ditë më parë në mediat online pati një debat në distancë, mes themelueses së “Down Syndrome Albania”, Emanuela Pepkola Zaimi dhe këngëtares Xhensila Myrtezaj.
Gjithçka nisi nga Instagrami i këngëtares ku një komentues i shkruante se vajza vuan nga sindroma down. Ndër të tjera Xhensila e quante komentuesin “njeri psiqik dhe të ndyrë” dhe shtoni se vajza e saj nuk ka asnjë ‘mangësi’.
Termi i përdorur nxiti themeluesen e ‘DSA’ të shkruante në faqen e saj në facebook duke mos u dakortësuar më fjalën ‘mangësi’ .
Por çfarë ndodhi mes tyre? A pati një komunikim për tu sqaruar më tej? Emanuela ishte sot e ftuar në programin e përditshëm në IN Tv ‘Trokit’ ku foli për aktivitetet e djeshme rreth sensibilizimit ndaj sindromës teksa sqaroi edhe debatin që zuri vend në mediat online.
E pyetur nga moderatorët Ermal Peçi dhe Sara Gjordeni nëse pati një komunikim me Xhensilën përtej mediave sociale, ajo tregoi:
‘Nuk duhet të përdorim diagnoza si psiqik, si kundërpërgjigje. Mendoj se ajo e bëri padashje, mbase mungesë informacioni. Unë kam fituar imunitet, por nënat e fëmijëvë më shtyjnë të reagoj në këto raste. Folëm privatisht, e vetmja hatërmbetje e saj ishte përse nuk e mora direkt në telefon apo ti shkruaja një sms. Por nuk e kisha numrin atë mbrëmje. Ajo ta ketë vajzën me jetë. Fansat e saj më kërcënuan’ – shtoi drejtuesja e ‘DSA’. /intv/