Gjatë orëve të fundit, “Blutë” e Tiranës kanë finalizuar me sukses dy operacione policore të koduara “Camouflage 5” dhe “Hostel”, për goditjen e veprimtarisë kriminale të dhënies ndihmë shtetasve të huaj, për kalim të paligjshëm të kufirit.
Në kuadër të operacionit policor të koduar “Camouflage 5” mësohet se është vënë në pranga Artan Frroku, 40 vjeç, banues në Tiranë, për veprën penale “Ndihma për kalim të paligjshëm të kufijve”. Kurse në kërkim u shpall
Gjithashtu u shpall në kërkim A. L., 24 vjeç, banues në Tiranë. Njoftohet se personat e përmendur më sipër kryenin transport të emigrantëve të paligjshëm kundrejt pagesës. Itenerari që ata ndiqnin ishte nga Devolli në Tiranë ku emigrantët e paligjishëm strehoheshin përkohësisht e më pas bëhej transporti i tyre drejt Kukësit, me qëllim kalimin në Kosovë dhe më pas në vendet e BE-së.
Kurse, në kuadër të operacionit policor të koduar “Hostel” u bë arrestimi në flagrancë i Violeta Kalajt, 59 vjeçe, për veprat penale “Ndihma për kalim të paligjshëm të kufijve” dhe “Fshehja e të ardhurave”.
Kalaj, kishte strehuar në hotelin që administronte, në Laprakë, 9 emigrantë që kishin hyrë në mënyrë ilegale në Shqipëri, të cilëve, kundrejt shpërblimit monetar, iu kishte premtuar dhënien ndihmë për transportimin e tyre, drejt pikave të kalimit kufitar.
Në vijim të veprimeve u proceduan penalisht 14 emigrantët e paligjshëm, për veprën penale “Kalimi i paligjshëm i kufirit shtetëror”.