Vijon lufta e nisur nga Rusia në Ukrainë që prej 24 shkurtit. Edhe pse përpjekjet për t’i dhënë fund asaj kanë qënë të shumta dhe të vazhdueshme, ende nuk ka asnjë përparim.
Ndërkohë, sipas Tgcom24, zëdhënësi i Kremlinit Dmitry Peskov, ka deklaruar se Rusia nuk është kundër një takimi mes dy presidentëve, duke shtuar se kjo është e pamundur të mbahet pa përgatitje adekuate.
“Nuk ka përparim në hartimin e një dokumenti të mundshëm që Putin dhe Zelensky të mund të nënshkruajnë. Rusia nuk është kundër një takimi mes dy presidentëve, por është e pamundur të mbahet pa përgatitje adekuate“, përfundoi Peskov.
Një takim midis Volodymyr Zelenskyy dhe Vladimir Putin do të ishte një hap i rëndësishëm në negociatat e paqes dhe do të rriste shpresat për një armëpushim.