Policia e Durrësit ka proceduar penalisht shtatë personatë cilët akuzohen për veprat penale “Mashtrimi kompjuterik”, “Ushtrimi pa licencë i veprimtarisë bankare” dhe “Fshehja e të ardhurave”.
Sipas burimeve zyrtare, procedimi penal ka nisur konkretisht për Dorjan Nika, 27 vjeç, Olsiana Mucollari, 31 vjeçe, Aleksander Staka, 26 vjeç, Marsida Dauti, 28 vjeçe, Edmond Shehu, 32 vjeç, Iva Jaupi 30 vjeçe dhe Eldrit Papadhima, 22 vjeç.
Dyshohet se të rinjtë e përmendur më sipër, ushtronin veprimtari të kundërligjshme në fushën e mashtrimit kompjuterik, në subjekt privat. ABC mëson se bëhet fjalë për një “call center” në të cilën ofroheshin ose shiteshin produkte kozmetike, ndërsa një pjesë e tyre operonin në bursë.