Presidenti turk Rexhep Tajip Erdogan ka surprizuar me deklaratën e tij lidhur me mundësinë e anëtarësimit të Finlandës dhe Suedisë në NATO. Ai ka deklaruar se do vendosë veton.
”Ne po ndjekim zhvillimet në lidhje me Suedinë dhe Finlandën, por nuk kemi një opinion pozitv. Më parë administrata para nesh ka bërë një gabim në NATO në lidhje me Greqinë. Si Turqi nuk duam të bjëmë në gabim të dytë në këtë drejtim. Vendet skandinave janë si bujtina për organizatat terroriste. PKK dhe DHKP-C janë strehuar në Suedi dhe Holandë. Edhe në parlamentet e tyre. Nuk është e mundur që ne të kemi një këndëvështrim pozitiv për këtë çështje’.
Ndërsa lidhur me takimin mes presidentin amerikan Joe Biden dhe kryeministrit grek Kyriakos Mitsotakis, Erdogan u shpreh:
”Nuk e di se çfarë deklaratash do të bëjë Biden. Duke parë gjithçka dhe veçanërisht deklarata e Bidenit, ne do të zbulojmë qëndrimin tonë’.