Automjeti i një oficeri të policisë në Shkodër është djegur në orët e para të mëngjesit të se shtunës.
Ngjarja ka ndodhur në lagjen “Tre Heronjtë”, pak metra larg shtëpisë së policit Sokol Kroni.
Ai kishte parkuar automjetin e tij, si çdo natë tjetër teksa rreth orës 04:00 të mëngjesit, ka vënë re zjarrin.
Mbërritja e zjarrfikësve ka bërë të mundur shuarjen e flakëve, por makina është djegur pjesërisht.
Kamerat e sigurisë kanë filmuar momentin kur një djalë i ri, më kapuç, afrohet pranë automjetit e lyen me lende djegëse dhe i vendos flaken. Zjarri rrezikon edhe autorin, i cili duket se shpëton mrekullisht pa u përfshirë nga flakët edhe ai vetë.
Me pas, autori largohet me shpejtësi nëpër rrugicat e lagjes.
I pyetur nga kolegët e tij dhe prokuroria, oficeri i policisë, Sokol Kroni ka deklaruar se nuk ka konflikte me njeri. Ai aktualisht mban detyrën e policit të zonës në pikën turistike të Thethit. Dyshimet janë se ngjarja mund të këtë ndodhur për shkak të detyrës që mban.