Disa grabitës në Pirea të Athinës të cilët hodhën në erë një bankomat, nuk u ka shkuar plani ashtu siç e kishin menduar. Tentativa e tyre për të vjedhur eurot e bankës dështoi, pasi bankomati ishte kishte një mekanizëm anti-vjedhje.
Për rrjedhojë, paratë që ata vodhën janë të padobishme dhe nuk mund të përdoren askund në treg. Kjo pasi menjëherë pas goditjes, bankomati inteligjent aktivizoi sistemin që i ngjyros paratë me bojë të gjelbër, lejla dhe të kuqe.
Ky është sistemi inteligjent i asgjësimit të kartëmonedhave dhe bën të mundur dallimin e menjëhershëm të parave të grabitura nëse këto të fundit hidhen në treg.
Pra, në këtë mënyrë, tentativat e grabitësve janë të destinuara të dështojnë, pasi shkelja në çdo mënyrë e një bankomati, aktivizon mekanizmin që lyen kartëmonedhat, ato bëhen të padobishme dhe nuk “kalojnë” askund.