Të shtunën e ardhshme, klubet e superiores rikthehen në fushën e blertë në kuadër të javës së 35-të. Tashmë kampioni dhe zona e ftohtë janë përcaktuar, gara e fortë vijon për kupat e Europës dhe Partizani është shumë pranë sigurimit të vendit të tretë.
Fitorja e fundit me Kastriotin ishte shumë e rëndësishme për të kuqtë pasi i afron shumë pranë, madje mund ta sigurojë në varësi edhe të rezultateve të ndeshjeve të tjera.
Vllaznia dhe Kukësi gjithashtu do tentojnë fitoret, ndaj Egnatias dhe Skënderbeut që nuk është se kanë ndonjë motivim këtë javë.
Teuta ndërkohë pret Laçin dhe me një fitore do tentojë të qëndrojë në garë për vendin e katërt, me shpresën që më pas edhe kurbinasit të fitojnë Kupën e Shqipërisë.
Dinamo-Tirana, derbi tjetër i kryeqytetit, këtë herë do të jetë si një miqësore. Bardheblutë kanë dalë kampionë të Shqipërisë, kurse blutë kanë rënë në Kategorinë e Parë.
