Avokati Ravik Gurra është qëlluar për vdekje pasditen e sotme në një lokal në qendër të Elbasanit.
45-vjeçari u ekzekutua me armë zjarri me silenciator nga persona të paidentifikuar ende, të cilët kanë arritur të largohen nga vendi i ngjarjes duke humbur gjurmët brenda kalasë së qytetit.
Gurra ka qenë avokat në disa prej gjyqeve më të bujshme në vend, raporton Newsbomb.al. Ai ka qenë avokat mbrojtës i Emiljano Shullazit, avokat mbrojtës në gjyqin ndaj “Hakmarrjes për Drejtësi” si dhe avokat mbrojtësi i tre prej të akuzuarve në gjyqin ndaj ish krerëve të ARRSH për korrupsion në rrugën Elbasan-Tiranë.
Gura është banor i Elbasanit dhe për disa kohë ka jetuar në Angli. Gjithashtu besohet se Ravik Gurra ka qenë avokat mbrojtës i fisit Çapja.