DIBËR – Policia e Dibrës ka finalizuar me sukses operacionin e koduar “Radomira”, për goditjen e veprimtarisë kriminale në fushën e armëmbajtjes pa leje. Në kuadër të këtij operacioni është vënë në pranga shtetasi me inicialet B.H., 35 vjeç, banues në fshatin Radomirë, Dibër.
Gjithashtu, u sekuestrua dhe një armë zjarri pistoletë.
Njoftimi i policisë:
Finalizohet operacioni policor i koduar “Radomira”, për goditjen e veprimtarisë kriminale në fushën e armëmbajtjes pa leje.
Sekuestrohet një armë zjarri pistoletë, vihet në pranga poseduesi.
Specialistët për Hetimin e Krimit në Komisariatin e Policisë Dibër, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e marra në rrugë operative, se një shtetas mbante armë zjarri në banesë, kanë organizuar punën dhe kanë finalizuar operacionin policor të koduar “Radomira”.
Si rezultat i këtij operacioni u bë arrestimi në flagrancë i shtetasit:
B. H., 35 vjeç, banues në fshatin Radomirë, Dibër.
Gjatë kontrollit në banesën e tij, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë.
Materialet procedurale i kaluan Prokurorisë pranë Gjykatës së Shkallës së Parë Dibër, për veprime të mëtejshme.