Policia italiane ka çmontuar një shoqatë kriminale në Rustica dhe ka vënë në pranga 14 persona.
Massimo Carminati, një nga “bossët” e Mafia Capitale, i përgjuar në kuadër të operacionit “Bota e Mesme” u shpreh: Ata janë të fortë dhe të pamëshirshëm.
Carminati i referohej grupit të trafikantëve të drogës të drejtuar nga Daniele Carlomosti, 43 vjeç, i quajtur “gjigant.”
Përveç trafikut të drogës nga Afrika e Jugut, banda kishte ngritur dhe një dhomë torture në një apartament në Rustica, ku torturoheshin ata që nuk paguanin borxhet e tyre.
Në vitin 2018, kur një burrë që i kishte borxh 64.000 euro u rrah dhe u torturua. Ai ishte detyruar të zhvishej dhe të shtrihej, ndërsa mbi mobilje kishte qese në mënyrë që të mos mbeteshin njolla gjaku.
Tortura zgjati 6 orë dhe grupi e kishte filmuar e më pas ja kishte çuar vëllait dhe partneres së tij, në mënyrë që ata ta kuptonin se rrëmbyesit nuk bënin shaka.
Carlomosti u arrestua nga karabinierët gjatë një operacioni të zhvilluar në kompleksin e banesave publike në via Delia, alla Rustica, së bashku me 13 persona të tjerë.