Kryetari i Bashkisë së Klosit Ilmi Hoxha në rrethin e Matit si dhe stafi i kësaj njësie vendore kanë udhëtuar drejt Xibrit, aty ku bashkohen Tirana me Matin.
Ditët e fundit, livadhet malore të kësaj zone janë “pushtuar” nga Zambaku i Poetit, një lule shumë e bukur dhe e rrallë në vend.
Në postimin e Bashkisë Klos thuhet:
Zambaku i Poetit, kjo lule krenare ka lulëzuar fushat e livadheve të Ketës që prej fillimit të muajit Maj, në fshatin Xibër Hane, të Bashkisë Klos.
Vetëm 15 km nga qyteti Klos, dhe 25 km nga Tirana, mjafton 1 orë ngjitje në këmbë, e befas do të gjendeni në livadhet ku lulja e poetit po lulëzon magjishëm.
Sot një pjesë e stafit të Bashkisë Klos e vizitoi më nga afër këtë mrekulli që natyra na ka dhuruar. Këto ditë vizitorët kanë qenë të shumtë për të vizituar lulen e veçantë që ndodhet në zonën tonë.
Mos e humb edhe ti mundësinë për të vizituar një vend kaq të mrekullueshëm!
Nxitoni pasi koha është e limituar, kjo lule e ka jetëgjatësinë në vetëm pak ditë të muajit Maj, që prej fillimit e deri nga data 20 e këtij muaji!
