Së shpejti, qytetarët e Finlandës do të mund ta festojnë aplikimin e vendit të tyre në NATO me një birrë me po të njëjtin emër të prodhuar posaçërisht për këtë rast.
Fabrika e vogël e birrës “Olaf Brewing”, me qendër në qytetin e Savolinna, ka krijuar një birrë të quajtur “Otan Olutta”, që do të thotë “Unë marr një birrë”. Otan është gjithashtu akronimi francez dhe portugez i NATO-s.
“Ne donim të sillnim pak humor në këto kohëra të vështira”, tha pronari i fabrikës së birrës, Petteri Vanttinen.
Savonlinna, rreth një orë larg kufirit rus, ka një histori shumë të përgjakshme, një qyetet që u bombardua nga Bashkimi Sovjetik gjatë Luftës së Dytë Botërore.
“Që nga fillimi i luftës në Ukrainë, ne jemi të shqetësuar për fqinjin tonë në lindje”, shtoi ai.
Ashtu si shumë finlandezë të tjerë, Vanttinen ndihet i lumtur për vendimin për t’u bërë anëtar i NATO-s.
“Kur shumë qytetarë mendojnë se ky është një vendim i mrekullueshëm, atëherë pse të mos pijmë për ta festuar atë”, tha ai.