Një 19-vjeçar do të hetohet në gjendje të lirë pasi akuzohet se ka kryer veprime të turpshme me një të mitur.
Polica ka njoftuar se është proceduar penalisht dhe babai i vajzës së mitur, i cili pasi ka mësuar për ngjarjen, ka kanosur dhe dhunuar 19-vjeçarin. Ngjarja ka ndodhur në fshatin Halilaj të Fushë Krujës.
Njoftimi nga policia:
Specialistët për Hetimin e Krimeve në Komisariatin e Policisë Krujë proceduan në gjendje të lirë shtetasin Sh. A., 19 vjeç, banues në fshatin Halilaj, Fushë Krujë, pasi dyshohet se ka kryer veprime të turpshme ndaj një shtetaseje të mitur.
Gjithashtu është proceduar penalisht edhe babi i së miturës, shtetasi R. Gj., 57 vjeç, pasi ka kanosur dhe goditur shtetasin Sh. A.
Materialet i kaluan Prokurorisë, për veprime të mëtejshme.