Gjatë natës së kaluar është regjistruar një shpërthim tritoli në Grudë të Re, Shkodër. Mësohet se lënda plasëse është vendosur në biznesin e një efektivi policie.
Uniformat blu bëjnë me dije se ngjarja është shënuar rreth orës 02:20, ku persona ende të pa identifikuar i kanë vënë tritol lokalit në pronësi të Ndrek Rrasës.
Po ashtu policit i kanë djegur edhe makinën tip Furgon.
Policia njofton:
Shkodër/Informacion Paraprak
Rreth orës 02:20, në fshatin Grudë e re, Shkodër, ka shpërthyer lëndë plasëse në derën e lokalit të shtetasit N. Rr. 46 vjeç , banues në fshatin Grudë e re, me detyrë punonjës policie pranë Komisariatit të Policisë Shkodër.
Për pasojë ka vetëm dëme materiale në lokal si dhe është dëmtuar edhe mjeti i tij autobus, i parkuar para lokalit.
Grupi hetimor nën drejtimin e Prokurorisë së Rrethit Gjyqësor Shkodër, po punon për zbardhjen dhe sqarimin e plotë të kësaj ngjarje.