“Rusia po kryen gjenocid në Ukrainë dhe për këtë pushtuesit patjetër do të sillen para drejtësisë”, kjo është ajo çka ka deklaruar Presidenti i Ukrainës, Volodymyr Zelenskyy i cili ka përsëritur sërish pretendimin e tij.
Mbrëmjen e djeshme, Zelensky u shpreh në një fjalim video se sulmet ndaj infrastrukturës civile ishin një “përpjekje e qëllimshme dhe kriminale për të vrarë sa më shumë ukrainas të jetë e mundur”.
Rusia më parë ka mohuar ashpër sulme të tilla. Zelensky tha se jeta ishte bërë “ferr” në rajonin lindor të Donbasit – i cili ishte “shkatërruar plotësisht”.
Ai gjithashtu përshëndeti gjyqin e parë për krimet e luftës të konfliktit – në të cilin një ushtar rus u deklarua fajtor për vrasjen e një civili të paarmatosur.