Ish-kryeministri Sali Berisha i është përgjigjur sot deputetit gjerman të CDU-së, Krishbraun i cili deklaroi dje se nëse PD-ja do t’i rikthehet të djeshmes me rikthimin e Berishës, ai do të angazhohet në pezullimin e kësaj force politike nga PPE-ja.
Në konferencën e sotme me gazetarët, Berisha i’u përgjigj deputetit gjerman duke thënë se ky i fundit nuk mund të ndërhyjë në proceset e lira të një partie simotër.
“Ai ishte angazhim personal. Unë në qëndrimet personale të individëve nuk ndërhyj. Komenti im është keqardhje që një deputet i CDU-së i lejon vetes ose mendon se mund të ndërhyjë në një process të lirë te një parti simotër. Aq më tepër kur ai e bën këtë bazuar në një vendim të faktuar tashmë universalisht se është marrë nga lobimi korruptiv i Soros dhe Ramës. Duke thënë këtë dhe nuk e quaj një zgjedhje të goditur nga ana e tij. Ftoj zotin Krishbaun të ndërmarrë një hetim në arkivat e shtetit të tij për gjetur një fakt të vetëm për të faktuar shpifjet e Soros”, u shpreh Berisha.