Lufta është pas pandemisë i dha një tjetër “goditje” krizë ushqimore. Lidhur me këtë ka ngritur shqetësimin e tij edhe deputeti i PS, Erion Braçe, i cili tha se teksa bota po “dridhet” nga katastrofa ushqimore shqiptarët kënaqen me jonxhën. Ai i ka bërë thirrje qeverisë të përqendrohet të prodhimi vendas dhe te bujqësia.
“Dëgjon kush në këtë vend? Do vijojmë me panaire koti apo do prodhojmë për bukë e ushqim?
E gjithë bota po dridhet nga katastrofa e ushqimit! Ne kënaqemi me jonxhën në panair! Eeej a jeni ne terezi apo jo?
Lexoni e dëgjoni! Lufta e një fashisti po sjell një dëm afatgjatë mbi ushqimin, tregjet e drithërave dhe farërave vajore, jetike! Kjo është goditja e tretë; pandemia, ndryshimet klimatike, lufta!
E gjithë bota i është kthyer prodhimit vendas së pari, fshatit e bujqësisë;
Ne? Ne i bëjmë fshatit panaire! Nuk di! Buka, ushqimi nuk bëhet në panaire por në fusha dhe në kohën e vet!
Urdhërona, është koha e misrit; kemi shtuar ndonjë dynym apo vitin tjetër?
Dhe viti tjetër për misrin nis në maj! Kaq rëndë jemi!”, shkruan Braçe.
