“Ai vend që merr avionët F-35 do të jetë sunduesi i Egjeut.” Kështu është shprehur Këshilltari i Këshillit të Sigurisë Kombëtare në Greqi Alexandros Diakopoulos gjatë një prononcimi për një televizon grek.
Gjithashtu, Diakopoulos vuri theksin tek shqetësimi që ekziston në lidhje me mundësinë që Turqia të marrë 100 avionët F-35 që i ishin premtuar nisur edhe nga fakti se vendi ishte pjesë e sipërmarrjes për prodhimin e tyre.
“Kush merr avionët F-35 sundon Egjeun. Ata janë të padukshëm, nuk i kap radari. Nëse Turqia merr 100 avionët F-35 siç kishin planifikuar do ta kthenin Egjeun në një sufllaqe. Për fat tani për tani nuk i marrin dot, ndërsa ne pritet t’i marrim rreth vitit 2027-2028”, deklaroi ai, duke nënvizuar faktin se mbrojtja është një sektor që kërkon shumë shpenzime.
“Mbrojtja është e shtrenjtë dhe kërkon shumë shpenzime me këtë fqinj agresiv që kemi. Turqia është një shtet që di vetëm të kërcënojë dhe jo të ndikojë butë”, theksoi ai.