Zgjedhjet e brendshme për caktimin e kryetarit të ri të Partisë Demokratike, duket se nuk janë duke shkuar mirë në të gjitha qendrat e votimit.
Një proces të parregullt e ka denoncuar edhe demokrati i Korçës Eduard Topalli, i cili nëpërmjet një postimi në ‘Facebook’, shkruan se ai si vëzhgues i kandidatit Ibesen Elezi, nuk është lejuar që të vrojtojë procesin.
Ai e quan këtë “proces model monist” si edhe me ironi i uron suksese në jetë “komunistëve” të PD-së në Korçë.
Në garë për kryetarin e PD-së janë ish-kryeministri Sali Berisha dhe ish-kryetari i PD-së në degën Kukës, Ibsen Elezi.
Postimi i plotë:
“Të nderuar miq, sot në PD Korçë votohet, vota juaj do ruhet dhe numërohet nga të njëjtët njerëz që numëruan votat për kryesi..
Vëzhguesi i kandidatit Ibsen Elezi (që duhet të isha unë) nuk u lejua të monitorojë..
Urime për “proçeset” model monist..
Suksese në jetë komunistëve të PDsë Korçë..”, shkruan Topalli.