Rrëmbimi i një 6-vjeçari mbrëmjen e djeshme ka vënë në alarm autoritetet greke. Sipas mediave vendase, ngjarja ka ndodhur në një nga lagjet e njohura të Athinës. Sipas vokatit të familjes, fëmija është rrëmbyer në banesën e tij, ku ndodhej me të ëmën dhe gjyshen.
Vogëlushi pasi ka dëgjuar një zhurmë jashtë derës së banesë, ka dalë duke menduar se është nëna e tij, por në ato momente një person i maskuar e ka rrëmbyer.
Sipas avokatit, shtëpia nuk kishte kamera, çka vështirëson më tepër identifikimin autorit. Sipas dëshmitarëve, autori përshkruhet rreth të 45-ve, 1.80 i gjatë, dhe se e ka rrëmbyer fëmijën me një furgon.
Avokati tregon se nëna e djalit ka pasur një përplasje me të atin e tij, duke lënë të hapur mundësinë që pas rrëmbimit mund të fshihet edhe ai.
Babai i Rainer-it të vogël është me origjinë norvegjeze dhe jeton në Norvegji, ndërsa fëmija jeton me të ëmën në Greqi. Sakaq, të gjithë strukturat e policisë janë ngritur në këmbë për të lokalizuar të voglin.
