Ankesa e këngëtares Shakira për një rast mashtrimi fiskal, është hedhur poshtë nga gjykata spanjolle.
Këngëtarja kolumbiane akuzohet se i detyrohet shtetit spanjoll taksa prej 15 milionë dollarësh për të ardhurat që ka fituar nga 2012 deri në 2014.
Rezidenca e Shakira-s është vënë në pikëpyetje pasi prokurorët argumentojnë se ajo jetonte në Spanjë, ndërsa rezidenca e saj zyrtare ishte në Bahamas në atë kohë,. Ligji spanjoll thotë se nëse një individ kalon më shumë se 183 ditë në vend, ai konsiderohet rezident i ligjshëm dhe përgjegjës për pagimin e taksave mbi të ardhurat e fituara ndërkombëtarisht. Ata që kalojnë më pak se 183 ditë në Spanjë do të jenë përgjegjës vetëm për të ardhurat e fituara brenda vendit.
Avokatët e këngëtares pretenduan se ajo me të vërtetë e kishte kaluar pjesën më të madhe të kohës jashtë vendit dhe nuk bëri asnjë përpjekje për të fshehur qëllimisht të ardhurat e saj.
Por, gjykata spanjolle u shpreh se është vërtetuar se ylli i muzikës ishte “banore e zakonshme në Spanjë” dhe nuk kishte prova të mjaftueshme për të treguar se ajo jetonte diku tjetër.
Nëse shpallet fajtore për evazion fiskal, ajo mund të urdhërohet të paguajë një gjobë dhe të dënohet me burg, duke vënë në dukje se si shkelëse për herë të parë, këngëtarja mund të shmangë kohën në burg për sa kohë që dënimi i saj është më pak se dy vjet.