Mbrojtës i Kombëtares, Marash Kumbulla, ka publikuar në rrjetin social “Instagram” një video me momente gjatë festimit pasi triumfuan në Conference League.
Krahas pamjeve nga momente të ndryshme të festës, si në kryeqytetit shqiptar, ashtu edhe në Romë, futbollisti ka bërë edhe një shkrim, në të cilin nuk la pa përmendur Shqipërinë.
“Sezoni im i dytë i verdhekuq përfundon në mënyrën më të mirë: shkruam historinë së bashku dhe fitova trofeun tim të parë në një natë magjike në Tiranën time. Ishin ditë me emocione dhe momente të pabesueshme që do t’i mbajmë me vete përgjithmonë. Nuk ishte një vit i lehtë, por unë jam krenar për rrugën time të rritjes, kam luftuar për të pushtuar çdo minutë në fushë dhe kurrë nuk kam hequr dorë as edhe një centimetër. Ne ishim një ekip nga fillimi në fund dhe kjo është arsyeja pse fituam. Tani po kthehem në Tiranë dhe dua të vazhdoj të jap gjithçka për ta çuar Shqipërinë time sa më lart. Dhe ne romanistët … do të takohemi përsëri së shpejti”, shkruan Kumbulla.