Zëdhënësi i Policisë Rajonale të Ferizajt, Kanun Veseli, konfirmon vdekjen e një personi në një mobileri në rrugën Ferizaj-Prishtinë.
Sipas tij bëhet fjalë për personin 64-vjeçar me inicialet A.E. Dyshimet e para kanë të bëjnë me vetëvrasje, sipas policisë.
Me vendim të prokurorit trupi i pajetë i viktimës është dërguar në IML për obduksion.
“Sot në orën 03:00 Policia Rajonale e Ferizajt ka pranuar një informacion se në rrugën magjistrale Ferizaj -Prishtinë tek një mobileri është një rast. Policia Rajonale, hetuesit dhe krim tekniket kanë dalë menjëherë në vendin e ngjarjes dhe i kanë marrë veprimet e nevojshme nën autorizim edhe të prokurorit kujdestat. Dyshohet se personi me inicialet A.E (M/K) i moshës 64 vjeçar ka bërë vetëvrasje. Me vendim të Prokurorit tê Prokurorisë Themelore në Ferizaj trupi i pa jetë është dërguar në IML për obduksion. Rasti po hetohet”, tha Veseli