Vendimi është marrë nga Gazprom. Gjigandi energjitik rus, thotë se ka ndaluar furnizimin me gaz për firmën holandeze të gazit GasTerra, pasi kompania refuzoi të paguajë në rubla.
GasTerra tha se kishte parashikuar lëvizjen e rusëve duke blerë 2 miliardë metra kub gaz diku tjetër.
“Kjo ende nuk shihet si një kërcënim për furnizimet,” tha zëdhënësi i Ministrisë së Çështjeve të Ekonomisë, Pieter ten Bruggencate.
Firma pjesërisht në pronësi të shtetit blen dhe tregton gaz në emër të qeverisë holandeze.
Moska tashmë ka ndërprerë furnizimin me gaz natyror për Bullgarinë, Poloninë dhe Finlandën, duke përmendur refuzimin e tyre për të paguar në rubla ruse.