Kërkuesit kanë zbuluar diçka të habitshme për minjtë meshkuj: ata ‘terrorizohen’ nga bananet.
Ky zbulim ndodhi krejt rastësisht pasi ata po studionin sjelljen e minjve kundrejt miusheve shtatzëna ose në gjidhënie, por rezultoi se prania e një substance kimike te bananet, shkakton përgjigje stresi te meshkujt.
Femrat iu përgjigjen meshkujve të panjohur ‘agresivisht dhe duke urinuar’ pasi këta të fundit sulmojnë dhe vrasin të vegjlit. Ndaj, femrat që janë në periudhën e fundit të shtatzënisë ose ato që kanë nisur tashmë të sekretojnë qumësht, përdorin këto kimikate natyrale të tyre për t’i larguar.
Në to gjendet amil acetati, një substancë e ngjashme me një përbërës që ndodhet te disa fruta dhe përdoret për të nxjerrë ekstraktin e bananes. Ky kimikat shkakton ndryshime ekstreme hormonesh te minjtë meshkuj.
Ekipi shkencor përdori vaj bananeje të blerë që e spërkati në kafazet e minjve meshkuj dhe vuri re se niveli i tyre i stresit u përgjigj menjëherë, thuajse në shkallën kur ata përgatiten të ndeshen.
Një tjetër rezultat i çuditshëm është se minjtë që nuk kanë kryer ende aktin e tyre të parë të riprodhimit, frikësohen edhe më shumë nga prania e amil acetatit. Kjo përkon me tendencën e tyre për të sulmuar më shumë të vegjlit se sa ata që tashmë kanë nisur procesin, duke i bërë të jenë kërcënim për të sapolindurit.