Një tren ka dalë nga shinat në Gjermaninë jugore, duke lënë tre persona të vdekur dhe disa të plagosur. Ende nuk është bërë publike numri i pasagjerëve të lënduar.
Treni që po shkonte për në Mynih doli nga shinat rreth orës 12:15 të së premtes në Burgrain, pranë qytetit turistik Garmisch-Partenkirchen.
Shkaku i aksidentit nuk është ende i qartë. Pasagjerët e plagosur ishin të gjitha grupmoshave, ndërsa mësohet se në tren kishte edhe një numër të konsiderueshëm nxënësish. Skuadrat e shpëtimit që arritën me ambulanca dhe gjashtë helikopterë i nxorën njerëzit nga dritaret e vagonëve të përmbysur.