Almeda Abazi, ish miss-i shqiptar, e cila është martuar me aktorin turk, Tolgahan Sayisman, me të cilin ka dy fëmijë, ka treguar se dëshiron që të kalojë më shumë kohë me fëmijët në Shqipëri në mënyrë që t’i rrisë me kulturën dhe traditat shqiptare.
Në një intervistë dhënë për revistën Bordo, ajo ka treguar që edhe Tolga e dashuron gjithashtu Shqipërinë.
“Sigurisht, dhe mund të them që e kemi vendosur dhe shumë shpejt do e kemi sepse dhe Tolga e pëlqen shumë Shqipërinë dhe ndihet shumë i lumtur dhe komod atje. Ëndrra ime është që muajt e verës t’i kaloj në Shqipëri me fëmijët sepse dua shumë që t’i rris me traditat dhe gjuhën shqipe”, u shpreh Almeda.