Komisioni i Ligjeve i ka hapur rrugën kandidaturës së Bajram Begajt për President të Republikës, duke çuar kështu emrin e tij në Kuvend, i cili do të mblidhet në orën 18:00 për ta miratuar.
Deputetët në Komisionin e Ligjeve që votuan kundër kandidaturës së Begajt për President ishte deputeti demokrat,Oerd Bylykbashi, si dhe deputetja e LSI, Erisa Xhixho.
Ky i fundit e cilësoi antikushtetuese kandidaturën e Begajt për President, pasi sipas tij, një ushtarak aktiv nuk mund të kandidojë për një post tjetër.
Nga e saj, kryetarja socialiste e Komisionit të Ligjeve, Klotilda Bushka, lexoi dekretin e firmosur sot nga Presidenti Ilir Meta, për lirim nga detyra si shef i Shtabit të Përgjithshëm, Bajram Begaj, dekret që hynte në fuqi direkt.