Të paktën tre persona u vranë dhe 11 të tjerë u plagosën si pasojë e të shtënave me armë zjarri në Filadelfia, SHBA. Ngjarja ka ndodhur rreth mesnatës të së shtunës në Rrugën Jugore, ku të vdekur kanë mbetur dy burra e një grua.
Sipas mediave të huaja, një person i armatosur ka hapur zjarr në një zonë të qytetit që ka shumë bare dhe restorante. Në vendin e ngjarjes së përgjakshme janë gjetur dy armë dhe disa gëzhoja.
Policia është duke hetuar rrethanat e ngjarjen, ndërsa po punon për kapjen e autorëve.
Ky është incidenti i 5-stë që ka ndodhur për pak kohë në SHBA. Më parë pati të shtëna në një supermarket në Buffalo të Nju Jorkut, në një shkollë fillore në Uvalde, Teksas dhe një godinë mjekësore në Tulsa të Oklahomas.
Më shumë se 20 të shtëna janë raportuar në Shtetet e Bashkuara që nga masakra e 24 majit në një shkollë në Ovalde, Teksas, në të cilën u vranë 19 nxënës dhe dy mësuese, sipas arkivit të Shoqatës së Gunviolence.