Kryeministri Edi Rama këtë të diel ka zgjedhur malin për të kaluar fundjavën. Siç shihet në videon e publikuar në rrjetet sociale, kryeministri së bashku me djalin e tij të vogël Zaho, ka vizituar Nivicën, ku edhe ka promovuar turizmin malor.
Krahas videos kreu i shtetit thotë se në këtë zonë mes natyrës magjike një çift investitorësh suedezë kanë ngritur një EkoResort model.
Rama shfaqet dorë për dorë me të birin, ndërsa vizitojnë natyrën e mrekullueshme që ofron mali.
“Aty ku mes natyrës magjike një çift investitorësh suedezë kanë ngritur një EkoResort model, shembull fantastik i mençurisë dhe respektit për natyrën, i cili tregon se si mund të krijohet një sipërmarrje turistike me shumë mend e jo shumë fonde, e ku sot Nivica ka nderin të ketë mik special kryeministrin e famshëm të Suedisë, Göran Persson”, shkruan Rama në Facebook.