Fundjava që kaloi ishte mjaft e ngrohtë dhe plot diell e shumë preferuan të largohen nga Tirana për të shijuar disa momente relaksi. Kësaj manie nuk i kanë shpëtuar as VIP-at shqiptarë.
Nga profilet e tyre në Instagram zbulojmë se pjesa më e madhe kanë zgjedhur të shijojnë detin, dhe pse plazhi nuk ka nisur ende.
“Kush e do jugun të ngrejë dorën dhe të më thotë kush është plazhi më spektakolar?, shkruan Alketa Vejsiu teksa na bën të ditur se ndodhet në Dhërmi. Edhe Bieta Sulo na dërgon një përshëndetje nga Dhërmiu.
Ndërkohë Ardit Gjebra na poston një foto të Anës, të voglës së tij, teksa ndodhet në Zvërnec, kurse moderatorja e njohur Rudina Magjistari pa treguar vendndodhjen, ka postuar një foto të tufës me lule që i ka dhuruar e bija, e në sfond shihet deti. Larg bregdetit nuk ka qëndruar as Soni Malaj, ku nga komentet e fansave kuptojmë që ka qenë në Qerret.
Ori Nebiaj duket se bën përjashtim, pasi nuk ka zgjedhur detin, por Mallakastrën, origjinën e familjes së saj.
