Lojtarët e Kombëtares do të duhet të fitojnë në ndeshjet eleminatore Euro 2020 pasi do të kenë edhe premio. Kombëtarja shqiptare do të ketë në dispozicion shumën 150 mijë euro për këto fitore.
Siç bën të ditur ekskluzivisht “Panorama Sport”, nga burimet e sigurat të saj pranë Federatës Shqipare të Futbollit ka qenë vetë presidenti Armand Duka, i cili në një bisedë me futbollistët ka konfirmuar planin që ka FSHF-ja.
Mësohet se fillimisht Duka e ka lënë gjithçka në dorë të lojtarëve, pra që ata të merrnin premio pas çdo fitoreje apo gjithçka të lihej për në fund, ku do të shpërbleheshin të gjithë për vendin që do të kapte skuadra në grupin eliminatore. Kuqezinjtë kanë qenë më tepër të idesë për t’u shpërblyer pas çdo ndeshjeje, ku ata marrin pikët e plota.
Mirëpo, FSHF-ja ka planifikuar edhe premio për barazimet. Shifrat mund të shtohen në rast se arrihen fitore “big”, veçanërisht në takimet jashtë fushe. Në 150 mijë euro, natyrisht pjesën e luanit e kanë titullarët, që përfitojnë mesatarisht 5-6 mijë euro për kokë pas çdo ndeshjeje të fituar të Kombëtares./ Panorama Sport