Flakë gjigante kanë përfshirë një fabrikë në Aspropirgos në Greqi. Protothema shkruan se zjarri ka djegur plastikë në oborrin e fabrikës që ndodhet në rrugën “Agjia Sofia”. Nuk raportohen dëme në njerëz.
Zjarri ka arritur që të djegë deri në 3-4 hektarë hapësirë të jashtme, por nuk përjashtohet mundësia e hyrjes në ambiente të mbyllura.
Në vendngjarje kanë shkuar 20 automjete me 50 zjarrfikës dhe një mjet special me shkallë. Në vendngjarje kanë mbërritur edhe autoritetet lokale.