Kunata e Nevila Pjetrit, 35-vjeçares shqiptare që u gjet e pajetë në Itali, ka treguar komunikimin e fundit me të.
Ajo pohoi se lajmin për vdekjen e saj e mësoi nga bashkëshorti i viktimës, ndërsa shtoi se do bëjnë të pamundurën që trupin e saj ta sjellin në Shqipëri.
“E prita shumë keq lajmin, e mësova nga bashkëshorti i Nevilës. E përjetuam keq, se besonim dot që mund t’i ndodhte një gjë e tillë. S’më ka treguar që ka pasur probleme, dy ditë para vrasjes fola me të dhe ishte shumë e lumtur. Nuk e dimë çfarë mund të ketë ndodhur. Trupi do e sjellin në Shqipëri, nuk e lëmë dot atje. Kemi komunikuar me bashkëshortin e saj, ai është i tronditur sepse dhe për të është e pabesueshme. Doli si gjithmonë, por nuk u kthye më në shtëpi. Mbante kontakte me ne dhe na kishte vendosur në dijeni për gjithçka, ishte e lumtur me bashkëshortin e saj. Na ndihmonte ekonomikisht, kur kishim ndonjë problem. Ajo ishte për mua kaluar motrën, jo kunatë. Është tronditje e madhe. Duam të dimë kush e ka vrarë, do bëjmë çmos që ta sjellim trupin e saj të pajetë. Shteti të na ndihmojë. Sendet që ka pasur me vete nuk i gjende, as çanta dhe as patenta. Ngjarjes do i shkojmë deri në fund”, rrëfeu ajo.