Kryeministri i Malit të Zi, Dritan Abazoviç, është takuar ditën e sotme me kryeministrin Edi Rama dhe me ambasadorin amerikan në Serbi, Christopher R. Hill.
Abazoviç ka publikuar disa foto në Twitter, teksa shkruan se ka patur një bisedë të këndshme me Ramën.
“Në margjinat e OpenBalkan bisedë e këndshme me Edir Rmaal dhe Christopher R. Hill. Të gjithë partnerët tanë më të rëndësishëm të politikës së jashtme janë këtu. Ballkani Perëndimor është një vend në BE. MNE si lider në integrim është gati të jetë shembull pozitiv në këtë proces”, ka thënë Abazoviç.
Gjatë ditës së sotme dhe nesër në Ohër të Maqedonisë së Veriut po mbahet Samiti i radhës i “Open Ballkan”, ku ndryshe nga herët e tjera pjesëmarrës do të jetë edhe Mali i Zi.