Ministri i Punëve të Jashtme i Greqisë, Nikos Dendias do të vizitojë sot Kosovën. Kryediplomati grek do të pritet nga presidentja Vjosa Osmani pasdite në takim.
Zyra e Presidencës përmes një komunikate për media bëri të ditur se takimi do të fillojë në orën 15:00. Kjo do të jetë vizita e tretë e Dendias në Kosovë brenda tri vitesh.
Dendias e pati vizituar Prishtinën edhe në qershor të vitit të kaluar, ku u prit nga presidentja Osmani.
Në atë takim Dendias e përshkroi si konstruktiv bashkëpunimin mes dy shteteve dhe për zhvillimet në Ballkanin Perëndimor.
Kryediplomati grek ishte pritur edhe nga ish-kryeministri Avdullah Hoti në tetor të vitit 2020.